Il «Uhrencup» a Grenchen è il turnier europeic da ballape per squadras d'uniun che ha la tradiziun la pli lunga. El exista dapi l'onn 1962. Fundà d'industrials da las fabricas d'uras da Grenchen è quest turnier in exempel per la gronda influenza che quel sectur industrial ha fin oz sin la vita culturala da Grenchen. Il motiv per l'emprim «Uhrencup» – che ha gia gì lieu cun participaziun internaziunala – è stada l'inauguraziun da la tribuna principala nova en il stadion Brühl dal FC Grenchen. Suenter il grond success dal turnier cun var 20'000 aspectaturas ed aspectaturs è vegnida pretendida ina cuntinuaziun. Quella dura ussa gia passa in mez tschientaner, betg l’ultim er grazia al sponsoring da l'industria d'uras. Il «Uhrencup» è daventà in termin fix en l'agenda annuala da la populaziun da Grenchen, in’occurrenza che vegn frequentada gugent pervi da sia atmosfera famigliara e che porscha a la citad la pussaivladad da vegnir recepida internaziunalmain. Per las squadras che sa participeschan è quest turnier ultra da quai ina buna occasiun per preparar la nova stagiun. Dapi il 2016 ha lieu ina part dal cup a Bienna.
Descripziun detagliada
Uhrencup (PDF, 321 kB, 22.06.2018)Ausführliche Beschreibung
Sparta
Chantun
Tradiziuns parentas
Publicaziuns
Uhrencup Magazin zum Uhrencup vom 8.-13.7.2011
Links
Chavazzins
Stad
Contact
Uhrencup
International Football Tournament