La glista da las tradiziuns vivas en Svizra duai svegliar l'interess per la multifariadad da la cultura che vegn dada vinavant d'ina generaziun a la proxima. Er ils umans che vegnan da lunsch pon sa laschar fascinar da questas tradiziuns. Ma i dovra ina gronda sensibilitad per intermediar turisticamain las tradiziuns vivas. Sche las tradiziuns perdan lur ragischs regiunalas pervi da l'explotaziun turistica, daventan ellas ina attracziun superfiziala.
Per incumbensa da l'Uffizi federal da cultura ha l'Universitad da Lucerna redigì in mussavia pratic che sustegna la collavuraziun tranter las associaziuns da las tradiziuns vivas ed ils acturs dal turissem. La publicaziun preschenta quatter exempels per in diever turistic da tradiziuns vivas. I vegnan descrits ils facturs che han favurisà il success da l'elavuraziun ed intermediaziun da purschidas turisticas che promovan e preservan tradiziuns vivas.
Il mussavia stat a disposiziun mo en tudestg.
