Chant choral a Friburg

Quels da Friburg paran dad esser uschè intgantads da la vusch umana ch'i dat en il chantun sin 35 abitants almain in chantadur «organisà». Chors spirituals e profans, chors maschadads u betg maschadads, luschainas giuvnas u pli veglias, chantadurs da professiun u amaturs: En la Federaziun friburgaisa da chors èn represchentads passa 7'200 chantaduras e chantadurs da 234 differentas cumpagnias e chors – senza resguardar las furmaziuns ad hoc per eveniments spezials, e senza las cumpagnias ed ils chors inuffizials che chantan ordaifer las structuras federativas.

Questa spessezza extraordinaria po vegnir declerada cun ina tradiziun da blers tschientaners ch'è francada fermamain en l'istorgia regiunala. Il moviment da chors è sa sviluppà en tut ils chantuns catolics da la Svizra, ma a Friburg – ina societad rurala, determinada fermamain da la pussanza clericala – ha el chattà in funs spezialmain fritgaivel. Ils chors èn pia naschids en in context puramain religius, ma èn lura sa sviluppads pli tard independentamain da quel milieu – u mintgatant schizunt sco cuntrareacziun. Grazia a l'Abbé Joseph Bovet (1879-1951), ina spezia da general Guisan friburgais, regnava sut tut ils zains da las baselgias dal chantun vinavant in'unanimitad, e ses effect carismatic ha determinà blers onns a la lunga l'entira vita chorala da la regiun. En il 20avel tschientaner è il repertori daventà pli varià e l'intschess dals chors è daventà pli grond, uschia che la tradiziun dal chantar en l'atgna pravenda ed en il ritmus da la vita locala ha pers sia posiziun absoluta.


Sparta

Arts figurativs
Praticas socialas


Chantun


Descripziun detagliada


Documents sonors

Le vieux chalet de J. Bovet par le chœur des Armaillis de la Gruyère, tiré de: Ecoute Gruyère © Choeur des Armaillis de la Gruyère

Publicaziuns

Patrice Borcard : Religieuses, musicales et patriotiques. Les Céciliennes fribourgeoises. In: Cahiers du Musée gruérien. Bulle, 1992, p. 42-59

Patrice Borcard : Joseph Bovet 1879-1951. Itinéraire d’un abbé chantant. Fribourg, 1993

Chavazzins

Contact

Fédération fribourgeoise des chorales
E-mail

Stampar il contact

https://www.lebendige-traditionen.ch/content/tradition/rm/home/tradiziuns/chant-choral-a-friburg.html