A la riva al sid dal Lai dad Ägeri sa derasa in guaud muntagnard da 55 hectaras. Las corporaziuns dad Unterägeri e dad Oberägeri al possedan mintgamai per la mesadad. Cunquai ch'il terren fitg stip n'è betg accessibel sin vias charrablas, vegn la laina pinada mintgamai fastagiada, unida ad ina puntera e transportada sin l'aua sur il lai. La construcziun da lain flottanta ha cuntanschì l'ultim temp ina lunghezza da 175 meters ed in pais da 1'000 tonnas. Duas bartgas a motor stauschan la puntera cun ina sveltezza da 2 kilometers l'ura fin ad Oberägeri (1,5 kilometers) u fin ad Unterägeri (2,5 kilometers). Là vegnan ils bists tratgs ord l'aua e chargiads sin camiuns. Fin l'onn 1999 han purs ch'eran commembers da las corporaziuns fatg questas lavurs per avair uschia in gudogn supplementar. Dapi il 21avel tschientaner sa deditgeschan lavurants da guaud locals a quest artisanadi tradiziunal.
Flottar enturn 1980 cun las bartgas a motor davos per stuschar ils bists ed ina bartga per controllar la stabilitad © Familie Anton Henggeler-Frank, Morgarten
Anton Henggeler stat durant ina traversada l'onn 1980 cun in crutsch da flottader sin ils bists © Familie Anton Henggeler-Frank, Morgarten
Suenter ina traversada enturn 1980 tira in flottader a la riva ils bists cun il zappin © Familie Anton Henggeler-Frank, Morgarten
Fotografia or da l'aria da la puntera a la sbuccada da la Lorze ad Unterägeri, 2008 © Jürg Bernhard, OK Flössen, Korporation Oberägeri
Arrivada ad Unterägeri cun il bostger Stefan Rogenmoser al piz da la bartga, 2008 © Franz Müller/OK Flössen, Korporation Oberägeri
Nov dis avant la traversada ha la puntera gia survegnì furma, 2011 © Christian Rogenmoser/OK Flössen, Korporation Oberägeri
Descripziun detagliada
Flössen auf dem Ägerisee (PDF, 454 kB, 08.08.2012)Ausführliche Beschreibung
Sparta
Artisanat tradiziunal
Chantun
Publicaziuns
Anne-Marie Dubler: Flösserei. In: Historisches Lexikon der Schweiz. Bern, 2009 (www.hls-dhs-dss.ch/textes/d/D14055.php)
Stephanie Hess: Tausend Tonnen treiben im See. In: Neue Zuger Zeitung, 29. März 2011, p. 25
Verena Ingold: Flössen: Idyll für harte Männer. In: Gelbes Heft. München, 29. Dezember 1981, p. 4-7
Dany Kammüller: Ägeri 2004: Grösstes Floss der Geschichte! In: Zuger Woche, 11. Februar 2004, p. 1 und 3
Korporation Oberägeri, Korporation Unterägeri (Ed.): Flössen auf dem Ägerisee (DVD). Oberägeri und Unterägeri, 2004
Andrée Stössel: Stamm-Ritual auf dem See. In: Neue Zuger Zeitung, 15. März 2008, p. 29
Monika Wegmann: Über den Ägerisee nach Japan... In: Neue Zuger Zeitung, 13. März 1999, p. 21
Lionel Hausheer: Vom Flösser-Virus gepackt. In: Neue Zuger Zeitung, 7. März 2016, p. 9
Thomas Horat: Vom Flössen am Ägerisee. Dokumentarfilm, 30 Minuten. Schwyz: Mythenfilm, 2016
Links
Multimedia in linea
Chavazzins
Contact
Korporation Oberägeri
Korporation Unterägeri
Organisationskomitee Flössen