Nünichlingler

La saira dals 24 da december sa radunan umens vestgids cun mantels sin il «Hübel». Cur che l'ura ha finì da dar las nov, sa metta il cortegi en viadi. Ils umens van en colonnas da trais tras il vitg, il «Bäsemaa» a la testa. Quel ha sco unic ina barba alva e porta cun sai in lung fist vi dal qual penda in sdratsch da fulin. Ils auters umens portan cilinders d'ina autezza da fin a quatter meters. Quests chapels surdimensiunads, ch'èn resultads en la concurrenza plaschaivla dals participants per il cilinder il pli aut, èn fatgs or da bischens da chartun nair, ston vegnir sustegnids cun lattas da tetg e ston vegnir fermads vi dal corp cun tschintas. Ils umens passan senza discurrer. Enturn culiez pendan gronds scalins che sunan en il tact regular da lur pass. Il cortegi nocturn tras il vitg ha ina tempra misteriusa. Suenter circa 45 minutas finescha la processiun. Ussa na dastgan ils scalins betg pli tunar. Ils participants van a l'ustaria u a la messa da mesanotg.