Bostg da matg sco decoraziun da bigls

Bostgs da matg sco decoraziuns da bigls èn – tenor l'etnolog basilais Eduard Strübin – caracteristics per il chantun Basilea-Champagna. La notg sin il 1. da matg vegnan plazzads pigns ornads sin ils bigls da passa la mesadad da las vischnancas da Basilea-Champagna. En blers lieus èn responsabels ils burgais giuvens per postar ils bostgs da matg. Las emprimas perditgas en scrit ch'èn enconuschentas da questa pratica derivan da l'onn 1544: «dorumb das er sampt anderen muotwilligen gesellen am Mey Oben einer Junckfrowen einen Meyen gesteckt / vnnd doran ein latz knüpfft». Ultra dal postar il bostg da matg datti en differentas vischnancas er il chantar da matg d'ina gruppa da costums u d'in chor viril. La gronda part da las gruppas da costums sauta er il saut da matg che la gruppa da costums da Liestal, fundada l'onn 1932, ha introducì en il chantun Basilea-Champagna. Il saut da matg è in saut cun bindels ch'è stà spezialmain caracteristic per la regiun da Basilea pervia da sia industria da bindels da saida.


Sparta


Chantun


Descripziun detagliada


Documents da video

Publicaziuns

Eduard Strübin: Jahresbrauch im Zeitenlauf. Kulturbilder aus der Landschaft Basel. Liestal, 1991

Mai – Maibaum. In: Schweizerisches Idiotikon – Wörterbuch der schweizerdeutschen Sprache. Frauenfeld, 1881-2011

Chavazzins

Primavaira

https://www.lebendige-traditionen.ch/content/tradition/rm/home/tradiziuns/bostg-da-matg-sco-decoraziun-da-bigls.html