Cernaval giurassian

Il carnaval giurassian, numnà «Carimentran», è documentà dapi blers tschientaners ed è anc adina fitg viscul. Dal cortegi fin al bal da mascras variescha il spectrum dal program da festa tranter ina festa populara ed ina satira sociala – tut tenor il lieu e l'epoca. Il «Carimentran» reflectescha ina buna part da l'istorgia regiunala sco parallela al svilup economic e politic dal Giura. Sco exempel da sias tradiziuns tipicas po vegnir numnada la Sortida dals Selvadis (Sortie des Sauvages) a Le Noirmont, nua che umens giuvens costumads cun frastgas van curt avant il carnaval tras las vias dal vitg per tschiffar las giuvnas per las bagnar en il bigl; u lura il cortegi da Baitchai durant la notg avant il mardi da carnaval, nua ch'ils spierts vegnan stgatschads cun il ritmus da tamburs e da stgellas. Per la satira procuran las gasettas da carnaval, lur domena è l'art da far beffas da las elitas localas. Beffa da las elitas fan er ils carnavals urbans da la segunda mesadad dals 19avel tschientaner che han gì ina connotaziun politica pli ferma e ch'èn vegnids organisads enturn in Retg per in di, ina figura simbolica da la bainstanza, che ha denigrà ils pussants sco in rival plain umur. Ils onns 1960 ha il carnaval pers in zic da sia splendur e da sia attracziun. Ozendi po questa tradiziun viventa vegnir caracterisada en sasez sco veritabla festa populara – schebain ch’ella vegn en il fratemp mediatisada en ina moda e maniera inquietanta.


Sparta


Chantun


Descripziun detagliada

Publicaziuns

Laurence Marti : Le carnaval jurassien. XIX et XXe siècles (Intervalles. Revue culturelle du Jura bernois et de Bienne no 33). Bienne, 1992

Laurence Marti et al. : Carimentran. Le carnaval franc-montagnard. Aubonne, 1998

Simone Quenet : Le Rai-tiai-tiai aidjolat. Un témoin linguistique pour le Jura. Analyse lexicographique d'un journal de carnaval avec une attention particulière portée aux alémanismes (Mémoire de licence, Faculté des Lettres de l'Université de Neuchâtel). Neuchâtel, 1998

Célestin von Hornstein : Fêtes légendaires du Jura bernois. Réjouissances et Traditions populaires qui s'y rattachent. La Neuveville, 1924

Télévision Suisse Romande : Le Carnaval du Jura, à l'occasion des 40 ans du carnaval de Bassecourt (DVD-vidéo). Genève, 1996

Télévision Suisse Romande : Le carnaval du Jura (Collection De si de là). Genève, 1996

Chavazzins

Primavaira

Enviern

Contact

République et canton du Jura
Office de la culture
E-mail

Stampar il contact

https://www.lebendige-traditionen.ch/content/tradition/rm/home/tradiziuns/cernaval-giurassian.html