Il tschaiver da Soloturn cumenza ils 13 da schaner, il di da son Hilari. Il pled latin «hilaris» («legher», «ilaric») renviescha a las activitads allegraivlas che suondan mintgamai. Dapi il 17avel tschientaner è il di da son Hilari documentà sco cumenzament dals bals da tschaiver, dapi l'onn 1853 annunzia la «Narrenzunft Honolulu» al di da son Hilari il tschaiver cun sia radunanza generala carnavalesca e suenter cun ses «cortegi da son Hilari». Il parsura da la «Narrenzunft Honolulu» occupa l'uffizi dal president da la citad, la «Rathausgasse» surpiglia ses num oriund «Eselsgasse» e fin la mesemna da la tschendra sa numna Soloturn «Honolulu».
Il cumenzament da l'emna da tschaiver sco tala è la «Chesslete» la gievgia grassa. Plirs milli carnavalists en chamischas da notg alvas e cun chapitschas da notg, cun schlingias cotschnas e cun instruments da canera sveglian – sut la batgetta dal «Oberchessler» – la populaziun per la «tschintgavla stagiun». Sumegliantamain ad auters tschaivers en Svizra han lieu cortegis e bals, sa preschentan musicas da tschaiver e gruppas da salamuira al tschaiver da vias e d'ustarias, vegnan edidas gasettas da tschaiver e vegn ars in «Böögg». Il di da son Hilari e la «Chesslete» èn dentant caracteristics per il tschaiver da Soloturn e vegnan celebrads en l'entir chantun. Schizunt al nord da l'artg dal Giura vegnan els festivads en las vischnancas dal territori chantunal.
La «Narrenzunft Honolulu» a chaschun dal «cortegi da son Hilari», cun tamburs e cun la «musica da son Hilari» ch'è documentada dapi l'onn 1881 © Oliver Menge, 2003
«Chesslete» en la citad veglia da Soloturn la damaun marvegl da la gievgia grassa © Oliver Menge, 2006
Stgatschada da l'enviern tras la «Chesslete» cun circa 6000 participants en chamischas da notg alvas © Oliver Menge, 2004
Tschaiver da vias e d'ustarias da Soloturn: Las musicas da tschaiver sunan lur tocs © André Kilchenmann, 2010
Dus «gondoliers» tematiseschan la veglia sutgera dal Weissenstein © André Kilchenmann
Er als cortegis da tschaiver da Soloturn na dastga il chanun da confettis betg mancar © André Kilchenmann, 2011
La citad da Soloturn ha circa ventg musicas da tschaiver. Ellas èn vegnidas fundadas dapi ils onns 1970 © André Kilchenmann, 2006
Per preparar ils chars da tschaiver dovri plirs mais lavur © André Kilchenmann, 2011
La gruppa «11i-Schränzer» è l'unica musica da tschaiver d'uffants da la citad da Soloturn © André Kilchenmann, 2006
Dapi 1970 sa movan tuts en il ritmus dals tuns da la «Monster-Guggerete» suenter il cortegi da la dumengia © André Kilchenmann, 2006
A chaschun dal «Drumm-Gugu-Lala-Pfiff» vegnan preschentadas la saira dal glindesdi tschaiver chanzuns e salamuiras © Peter Pulfer, 2006
La saira dal mardi tschaiver sa raduna il pievel da tschaiver al «Zapfenstreich» e chanta «I ma nümm» © Peter Pulfer, 2006
La musica da tschaiver «Ambassadonner» sa metta en posa davant il «Böög» che mida mintga onn sia schlattaina © André Kilchenmann, 2006
Il tschaiver finescha la mesemna da la tschendra cun arder il «Böögg» © André Kilchenmann, 2009
Descripziun detagliada
Solothurner Fasnacht (PDF, 419 kB, 24.09.2024)Ausführliche Beschreibung
Sparta
Expressiuns oralas
Arts figurativs
Chantun
Tradiziuns parentas
Publicaziuns
Max Egger, Ruedi Rust: Solothurner Fasnacht. Solothurn, 1982
Interview mit Peter Keller (Ober der Narrenzunft Honolulu) vom 11. Oktober 2011. Aargauer Kuratorium, Aarau
Interview mit André Kilchenmann (Mitglied der Guggenmusig «Abassadonner») vom 6. September 2011 in Basel. Aargauer Kuratorium, Aarau
Wolfgang Wagmann: Solothurner Fasnacht im Wandel der Zeiten (Mitteilungen der Töpfergesellschaft Solothurn. Neue Folge 2). Solothurn, 1998
Chavazzins
Enviern
Contact
Fasnachtsgesellschaft Solothurn UNO