Cifra 11 a Soloturn

En la citad da Soloturn vegn dada grond’impurtanza a la cifra 11 ed a sias cifras multiplas – pia 22, 33, 44 e.u.v.Ils da Soloturn da tut las generaziuns discurran mintgatant d'ina «cifra sontga», manegiond la cifra 11. Questa relaziun particulara cun la cifra 11 è ina tradiziun che ha ina lunga istorgia e che vegn vivida ozendi en diversas manieras. Ella sa mussa en objects – per exempel en in'ura che ha mo 11 uras e che suna cun 11 sains la chanzun da Soloturn – ed en fatgs immaterials – per exempel en il num «11i-Schränzer» d'ina musica da tschaiver d'uffants. La cifra è preschenta en la domena privata, per exempel vegnan festegiads spezialmain il 11avel anniversari ed ils anniversaris multipels dad 11. Ins scuntra però er savens la cifra 11 en il sectur professiunal, per exempel tar la «11-i Schokolade», tar il «Öufi-Bier» u tar il «öufiyoga» u perfin en il num da la firma «IMMO-11». Differentas referenzas da la cifra 11 èn tradidas dal passà. Uschia è il chantun Soloturn stà repartì en 11 chastellanias tranter ils onns 1344 e 1532. La catedrala da St. Ursen – il monument istoric da la citad dal 18^avel tschientaner – è vegnì equipà cun 11 altars, ha in clutger d'ina autezza da 66 meters ed ina stgala cun 3 giadas 11 stgalims.

Expressiuns oralas
Arts figurativs