Cortegi da flurs a Neuchâtel: «Corso fleuri»

Cun gronda pumpa festiveschan ils Neuchâtelais mintgamai l'ultima emna da settember da venderdi fin dumengia a mesanotg lur gronda festa da la vendemia. Durant quests trais dis excepziunals vegn occupà il center da la citad, aposta liberà dal traffic, da las uniuns localas e dals clubs da sport. Quels installeschan là lur ustarias e lur stans ed a la Place du Port il carrussel. Ultra ils trais cortegis dals uffants e da la musica instrumentala ch'è ina musica da tschaiver – è il cortegi da flurs da la dumengia suentermezdi il punct culminant da la festa. El consista d’ina ventgina da chars ornads che stattan sut in tschert motto e ch'èn decorads cun dieschmillis flurs. Las dalias e las neglas derivan oz bain da l'Ollanda, ma igl èn anc adina persunas voluntaras dal lieu che las fitgan pazientamain ina suenter l'autra vi dals chars. Il cortegi da flurs è l'unica occurrenza, per la quala ins sto pajar in'entrada durant questa gronda festa (da 12 fin 32 francs, tut tenor la categoria). Durant ils onns 1950 attirava il cortegi da flurs savens fin ad 80'000 persunas. Quest dumber è oz sa reducì a circa 25'000 persunas, ma la tradiziun n'ha insumma betg pers sia impurtanza. La festa da la vendemia cuntinuescha da generaziun a generaziun e resta la pli gronda occurrenza turistica dal chantun Neuchâtel.


Sparta


Chantun


Descripziun detagliada

Publicaziuns

Patrice Allanfranchini : La fête des vendanges de Neuchâtel. Des origines à l'an 2000. Neuchâtel, 2000

Ernest Jeanmonod : La Fête des Vendanges à Neuchâtel. In : Revue SBB-CFF no. 9, vol. 3. Berne, 1929, p. 15-16

Jean-Pierre Jelmini : Vendanges et Braderie. Un canton à deux fêtes. In : Présences no. 35. Pully, 1988, p. 66-74

Philippe Leu : Fête des vendanges de Neuchâtel. 1925-1975. Neuchâtel, 1975

Le non-filtré. Le journal satirique des vendanges. Neuchâtel, 2009-2010

Marcel North, Le Corbusier : La fête des vendanges de Neuchâtel. Neuchâtel, 1960

André Richter et al. : La Fête des vendanges a quarante ans. 1925-1965. Neuchâtel, 1965

Yann Denervand : Fête des vendanges 2007, Neuchâtel. Corso Fleuri, 2007. Prod. Mutli Vidéo. Avec commentaires de Jacques Lesquereux. Neuchâtel, 2007

Chavazzins

Atun

Contact

Association de la Fête des vendanges

Stampar il contact

https://www.lebendige-traditionen.ch/content/tradition/rm/home/tradiziuns/cortegi-da-flurs-a-neuchatel---corso-fleuri-.html