Festa d'uffants da Son Gagl

La tradiziun da la festa d'uffants da Son Gagl ha cumenzà l'onn 1824 en connex cun la refurma da scola da la citad. Sias ragischs ha ella dentant en usits festivs anc pli vegls. Ozendi vegn questa festa normalmain celebrada mintga trais onns, n'è però betg suttamessa ad in termin fix. L'Uffizi da scola organisescha la festa e determinescha ordavant in motto, realisada vegn ella alura da las scolaras e dals scolars da la scola populara. Il di da festa dominescha questa occurrenza la vita privata e la vita professiunala en la citad: La festa d'uffants da Son Gagl è ina festa populara da tut la citad ch'ils uffants giaudan ensemen cun lur geniturs, cun lur tattas e tats e cun amias ed amis. Millis d'aspectaturas e d'aspectaturs flancheschan il cortegi dals uffants e dals represchentants da las autoritads sin ses curs tras la citad fin a la plazza da festa sin il Rosenberg. Là han lieu diversas represchentaziuns da las classas da scola ed in gentar.

Questa festa è sa midada en il decurs dals onns. Avant 100 onns steva la preschentaziun dals products da l'industria da surcusida da la citad en il center da la festa d'uffants. Las mattas e las dunnas giuvnas purtavan vestgids alvs retgamads. Pervia da la crisa economica suenter l'Emprima guerra mundiala e pervia da la midada da la mentalitad vers la fin dals onns 1960 èn las surcusidas svanidas quasi dal tuttafatg. Oz sa preschenta la festa en ina moda e maniera che correspunda a la generaziun odierna d'uffants e da giuvenils.


Sparta


Chantun


Descripziun detagliada


Documents da video

Publicaziuns

Bestände des Stadtarchivs der Politischen Gemeinde St.Gallen: 5/62/228-229 (Akten und Fotografien)

Richard Butz (Ed.): Mein St.Gallen. Ein Lesebuch. St.Gallen, 1994

Hans Richard von Fels: Die Schulfahnen am St.Galler Kinderfest (Heraldische Führer der Schweiz 3). St.Gallen, 1959

Jakob Kuoni: Das St.Galler Jugendfest. St.Gallen, 1910

Marcel Mayer: St.Gallen im Wandel der Zeit. In: St.Galler Tagblatt, 31. Mai 1999

Alfred Schlegel: Schulgeschichte der Stadt Sankt Gallen. St.Gallen, 1959

Hans Martin Stückelberger: Das Kinderfest, eine mehr als 150jährige Tradition. In: Schule + Elternhaus no. 10. St. Gallen, Mai 1977

Josef Weiss: Das Sankt-Galler Kinderfest. In: Schulstadt St.Gallen. Eine Entwicklungsgeschichte. St.Gallen, 2004

Chavazzins

Stad

Contact

Stadt St. Gallen
Schule und Musik
Neugasse 25
9004 St. Gallen
Tel. +41 71 224 53 11
E-mail

Stampar il contact

https://www.lebendige-traditionen.ch/content/tradition/rm/home/traditionen/kinderfest-st-gallen.html