En tschertas citads dals chantuns Argovia e Soloturn vegnan organisadas grondas festas da la giuventetgna ch'èn – sur tut las generaziuns ora – da gronda impurtanza per l'identitad da la citad respectiva e da ses abitants. Savens valan questas festas sco occurrenza la pli impurtanta da l'onn. Las festas da la giuventetgna ad Aarau, a Brugg ed a Lenzburg datti dapi 400 onns; las festas da la giuventetgna a Baden ed ad Olten han ina istorgia da 200 onns. Ellas han lieu en emprima lingia avant las vacanzas da stad e furman per ils uffants la fin da l'onn da scola. En il decurs da las festivitads che duran in pèr dis sa concurrenzeschan ils uffants ed ils giuvenils en occurrenzas da gieu e da sport. Oravant tut sa participeschan els dentant als cortegis. Quels èn l'element central da las festas da la giuventetgna. Las classas da scola van cun lur magistras e magisters tras la citad. Las mattas portan en general cranzs da flurs sin il chau, ils mats ina singula flur vi dal revers. Accumpagnads vegnan ils cortegis da societads da musica e savens er da persunalitads da la politica. Pleds festivs, drizzads a las scolaras ed als scolars, enritgeschan ils cortegis. A Zofingen e – mintga dus onns – a Lenzburg procuran ultra da quai ils uschenumnads «manevers» dals corps da voluntaris encunter ils cadets per spectacul e per trategniment suenter la fin dal cortegi.
Cortegi da las classas da scola en la citad veglia dad Aarau a chaschun dal til da matg 2011 © Karin Janz, 2011
Cortegi da las classas da scola en la citad veglia dad Aarau a chaschun dal til da matg 2011 © Karin Janz, 2011
Durant la «Büscheliwuche» orneschan ils uffants da scola il center da la citad da Brugg © Peter Merz, 2010
Tar il til da pertgas portan ils mats d'intginas classas frastgas da bostgs da feglia cun sai © Karin Janz, 2011
Uffants da scola da Brugg als gieus dal program accumpagnant © Peter Merz, 2010
Il cortegi ad Olten è fitg colurà pervia da la vestgadira e da las bleras chaussas zambregiadas © Oliver Lang, 2011
Mintga cortegi vegn accumpagnà d'ina u da pliras societads da musica, sco qua a la festa da scola ad Olten © Oliver Lang, 2011
Tamburs en il cortegi da la festa da scola ad Olten © Oliver Lang, 2011
Fanestras da la baselgia principala da Lenzburg, ornadas cun premura da las scolaras e dals scolars © Karin Janz, 2011
Il «manever» dals corps da voluntaris a Lenzburg en plaina acziun © Thomas Hofstetter, 2010
Beduins tar ils «manevers» dals corps da voluntaris davant il chastè da Lenzburg © Thomas Hofstetter, 2010
Tamburs sin la plazza da la chasa communala a la festa d'uffants a Zofingen © Kira von Rickenbach, 2011
Il cortegi da las scolaras e dals scolars sin la plazza da la chasa communala da Zofingen © Kira von Rickenbach, 2011
Ina mitga emplenida cun ina liongia tutga sin mintga maisa da mezdi tar la festa d'uffants da Zofingen © Kira von Rickenbach, 2011
Bigls ornads sper la baselgia catolica ad Aarau © Karin Janz, 2011
Tar mintga festa da la giuventetgna tutga ina plazza da festa per cun ustarias e divertiments, sco qua ad Olten © Oliver Lang, 2011
Descripziun detagliada
Aargauer und Solothurner Jugendfeste (PDF, 340 kB, 22.06.2018)Ausführliche Beschreibung
Sparta
Expressiuns oralas
Arts figurativs
Chantun
Tradiziuns parentas
Publicaziuns
Max Banholzer: Vom Ursprung des Rutenzuges. In: Brugger Neujahrsblätter 94. Brugg, 1984, p. 39-43
Alfred Bärtsch: Schweizer Feste und Bräuche: Volksfestkultur im Jahreslauf. Wädenswil, 2009
D. Johann Georg Krünitz: Oeconomische Encyclopädie. Publiziert 1773 bis 1858 in 242 Bänden
Adolf Plüss: Jugendfest mit Freischaren. 150 Jahre Freischaren-Manöver Lenzburg. Ed. Ortsbürgergemeinde Lenzburg, Lenzburg, 2002
Gabriele Plüss: Das Schulfest – einst und jetzt. In: Oltner Neujahrsblätter 44. Olten, 1986, p. 38-41
Stadt Aarau (Ed.): 400 Jahre Aarauer Maienzug. Bearbeitet von Jan Ganter, Aaron S. Geissmann, Hermann Rauber, Dr. Ralph Weingarten, Erich Wiederkehr. Aarau, 1988
Chavazzins
Stad
