En Svizra franzosa vegn l'expressiun «Les Promotions» (la promoziun) duvrada per la fin da l'onn da scola e per la midada da las scolaras e dals scolars a la proxima classa. Questa tradiziun è vegnida introducida a Genevra da Calvin gia l'onn 1559. Da quel temp finiva l'onn da scola mintgamai il cumenzament da matg. La tradiziun ch'è sa mantegnida fin en il 19avel tschientaner praticamain senza midadas aveva oriundamain in caracter fitg festiv cun ina ceremonia en la catedrala en preschientscha da las autoritads religiusas, politicas e giudizialas da la citad. Pli tard è ella vegnida cumplettada d'in past abundant ed ha survegnì tras quai in caracter anc pli festiv. Cun l’ir dal temp è questa tradiziun sa derasada en tut las vischnancas genevrinas ed è bainbaud vegnida introducida er en auters chantuns da la Svizra franzosa sco Vad, Neuchâtel e Friburg. A Losanna sco er en autras chapitalas istoricas dal Vad exista dapi il «Ancien Régime» ina festa cumparegliabla da las scolas che vegn organisada ozendi sco «Fête du Bois». Questa pratica è vegnida interrutta mo darar ed è sa sviluppada fermamain en il decurs dal temp. Da la festa oriunda è sa mantegnì per exempel a Genevra – sco «Fête des écoles» – mo il cortegi da las classas da scolina. Per la gronda superbia da lur geniturs sa travestgeschan ils uffants tenor tscherts temas e sa legran natiralmain da las differentas attracziuns ch’als spetgan suenter il cortegi (marenda, distribuziun da souvenirs, girs cun il carussel e.u.v.). Quellas dattan a questas festas in caracter patgific e ritual che vegn stimà tant da las scolaras e dals scolars sco er da tut las visitadras e visitaders creschids.
Descripziun detagliada
Promotions (PDF, 432 kB, 26.06.2012)description détaillée
Sparta
Chantun
Publicaziuns
Collège de Genève : Le Collège de Genève 1559-1959. Mélanges historiques et littéraires. Genève, 1959
Marco Gregori : Bribes du passé . A Genève, politique et Promotions ont souvent fait un très bon ménage. In : Le Courrier, 1 juillet 1996
David Hilaire : Flash Back. Depuis 400 ans les promotions sont la fête chérie de Genevois. In : Tribune de Genève, 3 et 4 juillet 1993
Jean-Claude Mayor : Genève et ses écoliers. Genève, 1989
Henri Mercier : Les promotions du Collège de Genève de 1798 à nos jours. Genève, 1934
Micheline Tripet, Flavia Ramelli : Historique des promotions en Ville de Genève. Notice historique non publiée des archives de la Ville de Genève. Genève, 1992
Links
Chavazzins
Primavaira
Stad
Contact
République et canton de Genève
Département de l'instruction publique, de la culture et du sport
Association des communes genevoises