Badenfahrt

La Badenfahrt è ina gronda festa en la citad da Baden en il chantun Argovia. Cun radund in milliun visitadras e visitaders è la festa da diesch dis ina da las pli grondas festas popularas modernas da la Svizra. Ella permetta a la populaziun da Baden da tractar dumondas actualas davart la convivenza en intervals regulars e collia valurs e furmas d’expressiun tradiziunalas e progressivas. La festa ha in caracter ordvart participativ ed integrativ – a la Badenfahrt sa participescha l’entira populaziun da Baden en ina furma u l’autra, la cultura da laics vegn colliada cun la lavur culturala professiunala. Dapi l’onn 1923 ha la Badenfahrt gì lieu 13 giadas en intervals irregulars, l’ultima giada l’onn 2017.