Fieras da son Martin e da son Provino

La fiera da son Martin ha lieu a Mendrisio sin ils prads enturn la baselgia romanica tardiva da son Martin e da son Roc. La fiera da son Provino ha lieu ad Agno, la chapitala da l'anteriura Plaiv, en la vischinanza da la baselgia da chapitel da son Gion Battista e da son Provino. La fiera da son Martin è mintgamai ils 11 da november e cumpiglia er la fin d'emna avant u suenter questa data. La fiera da son Provino ha lieu durant la fin d'emna ed il glindesdi suandant ch'èn il pli datiers dals 8 da mars. Cun lur exposiziuns da muvel, vehichels e maschinas agriculas dattan tuttas duas fieras perditga da la colliaziun cun la cultura rurala d'antruras. Fin avant paucs decennis eran ellas eveniments evidents ed irrenunziabels da l'onn puril. Ils ultims 50 onns è la cumponenta agricula dentant sa sminuida plaun a plaun, entant ch'ils stans cun products locals (liongias, mel d'avieuls, chaschiel, vin) sco er cun vestgadira e cun giugarets èn daventads pli impurtants. A las fieras datti er bler divertiment, per exempel carussels, sco er intginas activitads didacticas che vegnan organisadas da la Giuventetgna rurala en collavuraziun cun autras uniuns activas en il chantun. Per l'entira durada da las fieras èn las baselgias avertas per far ina visita u per assister als servetschs divins en onur dals dus sontgs.


Sparta


Chantun


Descripziun detagliada


Documents da video

Chavazzins

Atun

Enviern

Publicaziuns

Centro didattico cantonale Massagno: San Provino di Agno. Fiera e sagra di primavera (Quaderni di documentazione 10). Massagno, 1993

Angelo Frigerio: Mendrisiotto è qui la festa. Sagre e tradizioni popolari di un anno. Pregassona-Lugano, 2004

Fernando Grignola: Radici di terra e di lago: il paese memorabile, racconti e… Agno, 2005

Alfredo Maggetti: S. Provino. Secondo vescovo di Como (391-420) venerato nellla collegiata de’ S.S. Giovanni Battista e Provino del borgo di Agno in Diocesi di Lugano. Agno, 1961 (prima pubblicazione: 1958)

Mario Medici: Sagre del Mendrisiotto. Mendrisio, 1967

Mario Medici: La fiera di S. Martino a Mendrisio. In: Almanacco Ticinese 1970

Mario Medici: Storia di Mendrisio vol. 2. Mendrisio, 1980

Interviste (a cura di Alessandra Bobbià): Fernando Grignola (23.06.2011, 05.10.2011), Silvia Scheggia (24.06.2011), Christian Camponovo (24.06.2011), Don Angelo Crivelli (24.06.2011). Centro di dialettologia e di etnografia. Bellinzona

Contact

Commune di Agno
6982 Agno
E-mail

Stampar il contact

https://www.lebendige-traditionen.ch/content/tradition/rm/home/tradiziuns/fieras-da-son-martin-e-da-son-provino.html