Bénichon, la fiera friburgaisa

Tar il pled «Bénichon» (u «Chilbi» per quels da lingua tudestga) pensa mintga Friburgaisa e mintga Friburgais en emprima lingia ad in grondius past festiv, ad ina veritabla gastaria, tar la quala ins po giudair tut las spezias da charn d'in bain puril: bov, portg, agnè, preparadas en differentas modas e garnidas cun blera verdura, ordavant ina broda clera u ina schuppa da giabus e suenter ina tscherna da desserts. Tar il Bénichon tutga però er ina musica da saut e l'atmosfera d'ina festa populara: Cur ch'ils graners ed ils clavads èn plains e cur ch'il muvel è da return da las pastgiras d'alp vegn fatga ina festa cuminaivla en il vitg – ina festa che derasa er adina in zichel melanconia, perquai ch'ins senta gia l'arriv da l'atun. Fin sin in pèr excepziuns localas ha il Bénichon lieu mintgamai la segunda dumengia dal settember en la val ed la segunda dumengia d'october en las muntognas. Festegià vegn el però er en la citad, e quai adina cun in grond public. Qua vegnan purschids ils products regiunals schizunt en ils centers da cumpra, ed en las ustarias da la regiun vegn offrida in'entira paletta da pasts da Bénichon. Famiglias, communitad, chalender – quai èn las trais pitgas d'ina tradiziun cun bleras variaziuns che vegn vivida dapertut en il Friburg.


Descripziun detagliada


Sparta


Chantun

Publicaziuns

Anne Philipona Romanens, Jean-Pierre Papaux : Chantons, dansons, bénichonnons. Hier et aujourd’hui. Fribourg, 2011

Valérie Clerc : La Bénichon. Une tradition en mouvement. In : Cahier du Musée gruérien no. 1, 1997, p. 17-28

Valérie Clerc : Le goût de la fête. Modalités et transformations de la Bénichon comme reflets de la société. In : Le Goût. Acte du colloque de Dijon 1996. Dijon, 1998, p. 285-294

Anne-Marie Yerly-Quartenoud : La Bénichon. Du four banal au micro-onde. In : Présences no. 35, 1998

Etienne Suter : La Bénichon au pays de Fribourg. In : Nouvelles Etrennes Fribourgeoises. 1934, p. 102-123

Elisabeth Schwab-Salzmann : «Chüechleni, Brätzele und Änisbröötleni». Brauchtum und Rezepte rund um die «Chülbi-Menüs» im Deutschfreiburg. In: Freiburger Nachrichten, 10.11.2001

Chavazzins

Atun

Contact

Groupe de travail Bénichon de la Haute École Pédagogique  
Jean-Marie Hirt
Fribourg

Stampar il contact

https://www.lebendige-traditionen.ch/content/tradition/rm/home/tradiziuns/benichon--la-fiera-friburgaisa.html