Il «Freiamt» è enconuschents per lur cultura da strom. L'artisanat da l'entretschar strom è probablamain arrivà en Svizra durant il 16avel tschientaner da l'Italia. Fin en il 20avel tschientaner vegnivi entretschà strom tras lavur a domicil. Ils baruns da strom exportavan differents models da chapels sco er las enconuschentas garnituras dal «Freiamt» en tut il mund. Musters regiunals vegnivan tgirads cun grond quità e dads vinavant sur pliras generaziuns. Er oz vegni entretschà strom, vegnan stgaffids novs musters e novas creaziuns. Ina contribuziun a la tgira da questa tradiziun fitg viva da l'entretschar strom sin livel artisanal porschan il «Strohmuseum im Park» e l'uniun «stroh-in-form», fundada l'onn 2010, cun ses var tschuncanta commembers activs en tut la Svizra e cun sias colliaziuns internaziunalas. En il «Freiamt» era il strom in product natiral favuraivel che vegniva duvrà er per autras chaussas che l'entretschar. A Wohlen per exempel avra il «Strauschnitt» il tschaiver, a Hallwil enconuschan ils «Bärzelibuben» il «Straumaa».
Staila da strom or d'elements dal «Freiamt» © Doris Häfliger, Erlinsbach, 2011
Broscha da strom, producida cun la tecnica d'entretschar strom dal «Freiamt» © Doris Häfliger, Erlinsbach
Cor da strom, entretschà per l'acziun «Mit Herz am Maienzug» © Doris Häfliger, Erlinsbach
Per il «Chnöpfli-Stern» èn vegnids nuads ensemen divers «Chnöpfli» enturn in «Rösli» © Doris Häfliger, Erlinsbach
In chapè da Panama producì cun stroms entirs © Ottilia Leemann, Oberwil-Lieli
Ottilia Leemann ornescha ses model da chapè «Elan» cun differentas garnituras © Ottilia Leemann, Oberwil-Lieli
Chapè da dunnas, fatg cun stroms entirs e decorà cun ornaments da strom © Ottilia Leemann, Oberwil-Lieli
Cun fendiders vegn il strom dividì en strivlas da medema grondezza, cun utensils sumegliants a petgens vegnan fatgs ornaments © Desiree Hess, Oberwil-Lieli, 2011
Petgen da paglia e fendider da strom, nua ch'il strom vegn smatgà tras ina da las tschintg foras © Doris Häfliger, Erlinsbach, 2011
Martgà da la citad veglia da Bremgarten: In'entretschadra mussa in pass da la lavur da producziun d'in chapè da strom © Karin Janz, Bremgarten, 2011
Descripziun detagliada
Strohflechten (PDF, 413 kB, 31.05.2018)Ausführliche Beschreibung
Sparta
Praticas socialas
Chantun
Tradiziuns parentas
Publicaziuns
Guido Bruggisser: Etwas über die aargauische Hutflechtindustrie. In: Schweizer Volkskunde. Korrespondenzblatt der Schweizerischen Gesellschaft für Volkskunde 47. Basel, 1957, p. 86-92
Monique Helfer: Eine Industrie nimmt den Hut. Aufschwung, Krisen und Untergang der schweizerischen Stroh- und Hutgeflechtindustrie zwischen 1800 und 1974. Lizentiatsarbeit an der Universität Bern. Bern, 2010
Interview mit Ottilia Leemann (Vorstandsmitglied des Vereins «Stroh in Form») vom 28. April 2011, in Oberwil-Lieli. Aargauer Kuratorium, Aarau
Interview mit Anna Hegi (Leiterin Freiämter Strohmuseum) vom 11. Juli 2011, in Wohlen. Aargauer Kuratorium, Aarau
Interview mit Doris Häfliger (ehemalige Leiterin der damaligen Interessengruppe und aktive Strohflechterin) vom 19. August 2011 im Aargauer Kuratorium. Aargauer Kuratorium, Aarau
Dieter Kuhn, Anton Wohler, Marcela Hohl, Birgit Littman: Strohzeiten. Geschichte und Geschichten der aargauischen Strohindustrie. Aarau, 1991
Kurszentrum Ballenberg (Ed.): Handwerk. Katalog zur Ausstellung «Vom Halm zum Hut» in der «Bleichi» Wohlen, 2010. Altdorf, 2010
Veronica Main: Zauberhaftes Stroh. Herstellungstechniken aus dem Freiamt. 2003 (Vertrieb: Freiämter Strohmuseum)
Gottliebe Rodel: Die Technik in der Freiämter, Seetaler und Obwaldner Strohflechterei. Beschreibung der alten Geräte und Apparate zur Herstellung von Stroh- und Rosshaararbeiten. Bern, 1949
Chavazzins
Enviern
Contact
Verein stroh-in-form