En il Tessin existan duas gruppas da milissas istoricas activas: Las milissas istoricas en la Val dal Blegn ed il Corpo Volontari Luganesi. Lur rolla en la societad respectiva ed a tscherts muments da l'onn è en tuts dus cas da gronda impurtanza, il context istoric e la funcziun actuala da las duas milissas èn però differents. Las milissas da la Val dal Blegn han lur origins en in vut ch'in pèr schuldads han fatg cur ch'els èn vegnids clamads l'onn 1812 sut las armas per la campagna militara da Napoleon I. en Russia. Els han empermess d'undrar Nossadunna u il sontg patrun dal vitg mintga onn a la festa dal vitg, sch'els avessan da turnar vivs da la battaglia. Suenter lur return han els fundà corps militars che avevan da gidar tar las festas dals vitgs respectivs. Anc oz èn las milissas istoricas da Leontica, d'Aquila e da Ponto Valentino mintg'onn ina part da la festa da son Gion Battista (24 da zercladur), respectivamain a la festa da Nossadunna dal rusari (emprima dumengia da fanadur) u da Nossadunna dal Carmel (terza dumengia da fanadur). Il Corpo Volontari Luganesi percunter è vegnì fundà l'onn 1797 per sa defender cunter eventualas attatgas da la Republica Cisalpina fundada da nov ed è stà obligà da pertgirar Lugano di e notg. L'onn 1929 è el puspè vegnì installà a chaschun da la Festa federala da tir a Bellinzona e renconuschì da la vischnanca da Lugano sco guardia d'onur. Termins fixs dal Corpo Volontari Luganesi èn il 1. da schaner, ils 15 da favrer (deposiziun d'in cranz da flurs tar il crap commemorativ per Giovanni Taglioretti ch'è crudà ils 15 da favrer 1798 sco voluntari en la battaglia cunter la Republica Cisalpina), la terza dumengia da matg (festa da Nossadunna da la grazia) ed il 1. d'avust.
Leontica: Tamburs davantvart e bandierels © Letizia Gianora, 2011
Aquila: Ils commembers da la milissa sa vestgeschan © Roberto Pellegrini, 2011
Aquila: Ils commembers da la milissa durant la messa solenna da la dumengia © Roberto Pellegrini, 2011
Aquila: Ils commembers da la milissa durant la messa solenna da la dumengia © Roberto Pellegrini, 2011
Aquila: Ils commembers da la milissa durant la processiun sin la via principala dal vitg ensemen cun la confraternitad dal sontg rusari © Roberto Pellegrini, 2011
Aquila: Ina salva d'onur sco ultim salid als defuncts © Roberto Pellegrini, 2011
Leontica: Avant la festivitad surdat il commember il pli giuven da la milissa la baionetta al cumandant © Letizia Gianora, 2011
Leontica: La processiun tras las vias dal vitg © Letizia Gianora, 2011
Leontica: Davantvart dus sapeurs durant la preschentaziun da l'arma © Letizia Gianora, 2011
Leontica: Ina salva d'onur sco ultim salid als defuncts © Giuliano Giulini, 2007
Ponto Valentino: La gruppa da tamburs © Ely Riva, 2003
Ponto Valentino: Davantvart la gruppa da sapeurs © Ely Riva, 2003
Ponto Valentino: Commembers da la milissa èn sa mess en lingia sin la plazza davant la baselgia da son Martin © Ely Riva, 2003
Ponto Valentino: La milissa durant la processiun, suandada da la confraternitad da Nossadunna dal Carmel © Ely Riva, 2003
Ponto Valentino: La milissa passa tras las vias dal vitg, davantvart dus bandierels © Ely Riva, 2003
Defilé dal Corpo Volontari Luganesi en il cortegi da Bumaun a Lugano (Lugano, 2013) © Sergio Romaneschi
Defilé dal Corpo Volontari Luganesi en il cortegi da Bumaun a Lugano (Lugano, 01.01.2012) © Sergio Romaneschi
Defilé dal Corpo Volontari Luganesi en il cortegi da Bumaun a Lugano (Lugano, 01.01.2012) © Sergio Romaneschi
Defilé dal Corpo Volontari Luganesi en il cortegi da Bumaun a Lugano (Lugano, 01.01.2012) © Sergio Romaneschi
Defilé dal Corpo Volontari Luganesi en il cortegi dal emprim d’avust sin la Piazza Riforma a Lugano (Lugano, 01.08.2011) © Sergio Romaneschi
Commembers dal Corpo Volontari Luganesi deponan ina curuna al pe dal Monumento dell’indipendenza (Lugano, 01.08.2011) © Sergio Romaneschi
Commembers dal Corpo Volontari Luganesi deponan ina curuna al pe dal Monumento dell’indipendenza (Lugano, 01.08.2011) © Sergio Romaneschi
Descripziun detagliada
Milizie storiche (PDF, 398 kB, 20.09.2024)descrizione dettagliata
Sparta
Chantun
Contact
Milizia Aquilese della Madonna
Milizia storica di Leontica
Milizia Napoleonica Ponto Valentino
Corpo volontari luganesi