Marsch dal 1. da mars

Sco ch’il num di, ha quest marsch tradiziunal lieu mintga onn il 1. da mars per commemorar la revoluziun da Neuchâtel. A chaschun da quest firà, che mo ils Neuchâtelais celebreschan, sa rimnan ils abitants dal chantun Neuchâtel la damaun marvegl a Le Locle. Suenter marschan els a La Chaux-de-Fonds ed a La Vue-des-Alpes, fan in pitschen detur als vitgs Malvilliers e Valangin ed arrivan la fin finala al chastè da Neuchâtel. Quest traject da 30 kilometers absolvan ils participants vestids bel chaud per gronda part sin vias. Els suondan la via dals revoluziunaris che han stgatschà l'onn 1848 ils chastellans prussians, passa 30 onns suenter ch’il chantun da Neuchâtel è entrà en la Confederaziun svizra. La fulla sa metta en moviment pir cura ch'ella auda ils culps da murters dals chanuns da la «battaria 13» che annunzia dad aut mintga pass ch'ella fa preparond sia salva. «Plazza! Emprima culla pronta! Pitgar! Segunda culla pronta! ». Il marsch cumenza adina a las 9.00. Suenter mintga etappa survegnan las persunas che fan il marsch ina cuppina té, in toc petta da levon da Neuchâtel u ina cuppa schuppa. L'onn 1985, cur che l'usit è vegnì introducì sin iniziativa dal moderatur da radio Rémy Gogniat, han mo circa 60 persunas participà al marsch, l’onn 2011 han participà stgars 800 persunas. Il record è stà l’onn 1998 cur che var 6000 persunas han suandà tenor stimaziunsils fastizs da lur perdavants renumads a chaschun dal giubileum da 150 onns chantun Neuchâtel,.


Sparta


Chantun


Descripziun detagliada


Documents da video

Publicaziuns

Commémoration du 1er mars par RTN. Pas de quoi faire la Révolution. In : L’Impartial. La Chaux-de-Fonds, 2 mars 1985

La marche du siècle. Quand un canton se met en mouvement. In : L’Impartial. La Chaux-de-Fonds, 2 mars 1998

Marche du 1er mars. Modernes, les républicains prennent les tunnels. In : L’Impartial. La Chaux-de-Fonds, 2 mars 2000

Les Neuchâtelois courent. In : L’Express. Neuchâtel, 2 mars 2005

Près de 200 marcheurs ont rallié le Château depuis le Val-de-Travers. In : L’Impartial. La Chaux-de-Fonds, 2 mars 2008

Révolution actuelle. In : L’Express. Neuchâtel, 2 mars 1990

Chavazzins

Enviern

Contact

Comité d'organisation « Marche du 1er mars »
E-mail

Stampar il contact

https://www.lebendige-traditionen.ch/content/tradition/rm/home/tradiziuns/marsch-dal-1--da-mars.html