Naturopatia en l'Appenzell Dadora

L'Appenzell ha la reputaziun d'esser ina cuntrada medicinala tut speziala. Dapi passa 200 onns visitan pazients da tut la Svizra e dals pajais vischins chasas da cura en tschertga da naturopats approvads dal chantun e da curaturs spezials. Legendaras èn las curas da purment ed ils bogns da cura dal 19avel tschientaner sco er ils medicaments dals piuniers d'ervinas Johannes Künzle (1857-1945) ed Alfred Vogel (1902-1996). Ma er curaturas indigenas sco Babette Oertle-Alder (1884-1975) ad Urnäsch e Karolina Schefer-Sigrist (1891-1976) a Teufen avevan ina reputaziun excellenta. Il motiv principal pertge ch’i dat tants naturopats en il chantun era ed è la legislaziun liberala. La pratica legala che vala enfin oz attira curaturs e terapeuts dals auters chantuns e da l’exteriur vischin che lavuran sin agen quint e che caracteriseschan la cuntrada curativa e la medischina integrativa en il chantun. Filtrada vegn questa affluenza ozendi d'in examen d'admissiun modern e pretensius respectivamain da l’oblig da dumandar in permiss. La fin dal 2016 èn stads registrads en l'Appenzell Dadora 251 practicists curativs. Quels dastgan consegnar enfin oz medicaments ed uschenumnadas spezialitads da chasa ch'èn registradas mo en il chantun. Actualmain èn quai circa 700 preparats e 623 spezialitads da chasa che vegnan producids – cun permissiuns spezialas – en apotecas, en drogarias ed en praticas curativas e che dastgan vegnir consegnads mo en l'atgna pratica.


Sparta

Expressiuns oralas
Artisanat tradiziunal


Chantun


Descripziun detagliada

Publicaziuns

Michael Lambek: The Cares of Alice Alder. Recuperating Kinship and History in Switzerland. In: Ghosts of Memory. Essays on Remembrance and Relatedness. Ed. Janet Carsten. Malden/ Massachusetts, 2007, p. 218-240

Obacht Kultur. Das Kulturblatt für Appenzell Ausserrhoden no. 9. Ed. Amt für Kultur, Appenzell Ausserrhoden. Herisau, 2011

Peter Witschi: Appenzell Ausserrhoden. Entwicklung und Strukturen einer Heillandschaft. In: Schweizerisches Archiv für Volkskunde 89. Basel, 1993, p. 3-22

Peter Witschi: Geschichte einer Heillandschaft. In: Kräuter und Kräfte. Heilen im Appenzellerland. Herisau, 1995, p. 13-46

Peter Witschi: Frauen im Gesundheitswesen von Appenzell Ausserrhoden. In: FrauenLeben Appenzell. Ed. Renate Bräuniger. Herisau, 1999, p. 544-556

Chavazzins

Contact

Naturärzte Vereinigung der Schweiz
E-mail

Stampar il contact

https://www.lebendige-traditionen.ch/content/tradition/rm/home/tradiziuns/naturopatia-en-l-appenzell-dadora.html