Botanica genevrina ed il maruner da La Treille

En il 18avel tschientaner sa sviluppa a Genevra in spiert naturalistic scientific, senza dubi grazia a l'influenza da Jean-Jacques Rousseau e da las lavurs da perscrutaziun localas d'in pèr gronds botanichers. Scienziads da la natira uschè renumads sco Augustin Pyrame de Candolle, Horace-Bénédict de Saussure u Pierre Edmond Boissier han propi instruì en la citad da Calvin. L'emprim da quels è stà in confundatur da l'iert botanic da Genevra (1817), al qual è vegnì affilià pauc pli tard in conservatori (1824) che ha sustegnì il prosperar da questa scienza. Quella è vegnida cultivada da la classa sociala superiura er sco passatemp. Grazia a questa tendenza botanica è Genevra daventada la «citad dals parcs», en la quala blers ierts privats èn sa transfurmads en vairs arboretums, nua che spezias indigenas ed exoticas creschan e prospereschan ina sper l'autra gia dapli blers decennis.

Grazia a quest interess extraordinari posseda Genevra la collecziun d'erbaris la tschintgavel gronda da tut il mund ed ina da las trais bibliotecas sistematicas da botanica las pli impurtantas; anc oz profiteschan la scienza e las perscrutaziuns botanicas universitaras da questa savida tradida. E la relaziun cun il mund da las plantas resta francada fermamain en la conscienza da la populaziun. Quai sa mussa er en la cuntrada cultivada dal chantun Genevra ch'è sa sviluppada en il decurs dals onns grazia a la protecziun da spezias raras e grazia a la scienza botanica. Ch'il sautier da la republica (l’emprim salter, pli tard il secretari dal parlament) registrescha dapi l'onn 1818 mintgamai il di, cur che s’avra l'emprim brumbel dal maruner da La Treille, per lura annunziar la primavaira, è ina da las perditgas las pli popularas da questa tradiziun.


Sparta


Chantun


Descripziun detagliada


Documents da video

Publicaziuns

Christine Amsler, Isabelle Bovay, Miltos Thomaïdes (Ed.) : 2008, Jardin, Jardins. Trois siècles d’histoire des jardins à Genève. Gollion, 2008

John Briquet : Le Conservatoire botanique de Genève. L'importance internationale de ses collections scientifiques. Sa situation actuelle. Genève, 1926 (Ed. anglaise : The botanical Conservatory of Geneva. The international importance of its scientific collections. Present situations)

John Briquet : Genève. Centre international de botanique. [S.l.], [s.d.]

Charles Baehni : Genève et ses botanistes voyageurs. In: Histoire des sciences à Genève. Exposition du 15 avril au 30 juin 1955, Musée Rath. Genève, 1955, p. 41-52

Hervé Maurice Burdet, Hubert Romain Greppin, Rodolphe-Edouard Spichiger : Le développement de la botanique à Genève. In : Botanica helvetica vol. 100. Bâle, 1990, p. 273-292

René Sigrist, Patrick Bungener : The first botanical gardens in Geneva (c. 1750-1830). Private initiative leading science. In : Studies in the History of Gardens & Designed Landscapes vol. 28. London, 2008, p. 333-350

Franz A. Stafleu : Charles Baehni and the Great Tradition. In : Boissiera vol. 11. Genève, 1965, IX-XXXIX

Pierre Stoller, Roger Beer : La première feuille du marronnier de la Treille. Genève, 1994

Chavazzins

Primavaira

Stad

Contact

République et canton de Genève
Service cantonal de la culture
E-mail

Les conservatoire et jardin botaniques de la Ville de Genève
E-mail

Stampar il contact

https://www.lebendige-traditionen.ch/content/tradition/rm/home/tradiziuns/botanica-genevrina-ed-il-maruner-da-la-treille.html