Praticas dal mantegniment da semenza

Maletg 1 /

‹ › ×

Da vegl ennà vegnan cultivadas plantas da niz en ierts u sin surfatschas agriculas, e la semenza vegn dada vinavant. Entant che la semenza vegniva surdada e barattada pli baud bunamain mo entaifer ina famiglia, tranter vischins ed enconuschents, vegn quai sustegnì oz da differentas organisaziuns. Uschia vegn conservada la semenza da passa milli spezias da plantas d'iert, d'er e da decoraziun dapi l'onn 1991 en ina biblioteca da semenza tar la fundaziun Pro Specie Rara. A puras ed ad ortulans amaturs vegnan consegnads sems per als emplantar en lieus uschè differents sco pussaivel, e la semenza multiplitgada vegn lura surdada ad autras persunas ch'èn fascinadas da questas spezias. Quai vegn fatg a chaschun da scuntradas regiunalas organisadas spontanamain u en il rom da bursas destinadas al barat da semenza. La pratica dal barat da semenza ha ina gronda impurtanza per l'entira societad, perquai ch'ella gida a mantegnair la biodiversitad. Senza il barat da semenza giessan bleras spezias a perder.