Las veglias expressiuns tudestgas dialectalas «greifflen» u «gräufflen» designeschan la preschentaziun da gieus burlescs tras figuras travestgidas e mascradas. En il center da la tradiziun da Bavania «Greiflet», che exista exclusivamain en vischnancas da la part interna dal chantun Sviz, stat bain er l'element dal discurs teatral plain beffas. Mintgamai dus oraturs sa preschentan la saira al public che sa raduna sin la plazza principala u en ina ustaria. En lur referat, numnà «Plöder», en furma da versets satirics, guardan els enavos sin l'onn passà. En quest connex na spargnan els betg cun commentaris gizs, cutizzants u nauschs davart eveniments locals u davart persunas indigenas. Ultra da quai è il «Greiflet» cunzunt caracterisà tras la preschentaziun ferma e paschaivla dals «Trychler» (scalinaders da plumpas) e dals «Geisselchlepfer» (giaschladers). Fin tschient e dapli persunas passan ensemen tras il vitg e fan ina canera snuaivla che va tras pel ed ossa. Gia en il 16avel tschientaner faschevan ils cortegis da canera part da la tradiziun dal «Greiflet» che vegniva da quel temp anc organisà da las cumpagnias da mats localas. L'emprima uniun ch'è vegnida fundada per organisar l'occurrenza è stada il «Schwyzer Greifler» l'onn 1917 en la chapitala da Sviz. Il di da Bavania da l'onn 1968 è lura stada la premiera dal «Priis-Chlepfä» (concurrenza dals megliers giaschladers dal chantun). Questa concurrenza s'è etablida en il fratemp sco usit supplementar.
Ils «Greifler» dad Ingenbohl portan ina chamischa alva cun il logo da l'uniun sin il pet, Brunnen 2008 © Hans Rothenfluh, Brunnen
Il «Jochtrychler» maina il cortegi dals «Greifler» ad Brunnen, 2008 © Hans Rothenfluh, Brunnen
Ultra dals var 100 «Trychler» datti ina dunsaina da giaischladers, Brunnen 2008 © Hans Rothenfluh, Brunnen
Sin lur via dad Engiberg a Sviz vegnan ils «Greifler» da Seewen manads d'in purtader da «Grotzli», 2007 © Peter Rickenbacher, Seewen
Tar la chaplutta da la confederaziun a Brunnen vegn recità il «Plöder» giu d'ina remortga transfurmada, 2008 © Hans Rothenfluh, Brunnen
Las figuras da l'isanza «Loränz vo Ingebohl» (a sanestra) e «Walter vu Schönebuech» tar il «Plöder» a Brunnen, 2008 © Hans Rothenfluh, Brunnen
L'enconuschenta furmaziun da musica populara «Mosibuebä» sin la remortga a Brunnen, 2008 © Hans Rothenfluh, Brunnen
Ils «Greifler» da Seewen a chaschun da lur fermada obligatorica en l'ustaria da la Crusch Alva, 2007 © Peter Rickenbacher, Seewen
Gruppa da «Greifler» da Brunnen, 1933 © Greiflervereinigung Ingenbohl-Brunnen
Maletg da tatgar cun «Greifler» en ina collecziun davart las isanzas popularas da la Svizra, 1954 © Nestlé Historical Archives, Vevey
La damaun da Bavania ha lieu il «Priis-Chlepfä» sin la plazza principala a Sviz, 2004 © Christof Hirtler, Altdorf
Schluppegiar la giaischla cun dignitad: Giaischladers sa concurrenzeschan, Sviz, 2004 © Christof Hirtler, Altdorf
Descripziun detagliada
Greiflet (PDF, 395 kB, 28.06.2024)Ausführliche Beschreibung
Sparta
Chantun
Contact
Greiflergruppe Illgau
Greiflerverein Goldau
Greiflerverein Lauerz
Greiflervereinigung Ingenbohl-Brunnen
«Greiflervereinigung» dad Ingenbohl-Brunnen
Priis-Chlepfä, Schwyz
www.priis-chlepfe.ch
Greiflervereinigung Steinen
Armin
Marty
Steinen
Schwyzer Greifler
Urs
Büeler
Seewen