Allevament da chavals da las Francas Muntognas

Nobel, obedient, agil, robust: Quai èn mo in pèr da las qualitads da l'ultima razza da chavals svizra, ch'ins numna «freiberger» u «chaval da las Francas Muntognas». L’allevament da chavals ha ina lunga tradiziun en il Giura. Gia en il 17avel tschientaner ludava la curt dal prinzi-uvestg da Basilea la bellezza e la forza incumparegliabla dals chavals giurassians, dals quals derivan pli tard – suenter pliras cruschadas – ils «freiberger». A partir dal 19avel tschientaner vegnan ils chavals da las differentas razzas giurassianas numnads «chavals dal Giura» u «chavals da las Francas Muntognas». I sa tracta da chavals plitgunsch levs che servan per trair chargias ed èn adattads per l'agricultura e per l'armada. Els èn d'ina grondezza mesauna, han in skelet solid ed in caracter excellent. Dapi la fin dal 19avel tschientaner vegn lur allevament organisà oravant tut per la Confederaziun. Ils allevaturs èn organisads en societads. Quella giada vegnivan las puliedras giurassianas allevadas surtut en il stallun Vaillant ch’è daventà uschia l’origin da la razza odierna. Ina via a Saignelégier porta dal rest ses num, quai ch'è plitgunsch in'onur rara per in chaval! L’allevament s’è sviluppà vinavant durant il 20avel tschientaner cul sustegn d'occurrenzas e d'instituziuns, da las qualas il martgà naziunal da chavals, il Marché-Concours, è la fiera cun la pli gronda simbolica ed impurtanza. L’allevament generescha oz in chaval modern, adattà per differentas incumbensas, che ha ina reputaziun internaziunala e che posseda tut las qualitads per vegnir duvrà en il turissem, en il temp liber e per il sport.


Sparta

Arts figurativs
Praticas socialas
Artisanat tradiziunal


Chantun


Descripziun detagliada

Publicaziuns

Jean-Pierre Beuret, François Noirjean, Clément Saucy : Franches-Montagnes. Pays du cheval. Porrentruy, 1997

Germain Carnat : Essais historiques sur l'élevage du cheval du Jura. Berne, 1934

Louis Crelier : Vaillant, musique originale du spectacle du 100e Marché-Conours, mis en scène par Gérard Demierre (Disque compact). Neuchâtel, 2003

Stéphane Goël : La dernière bataille du cheval suisse. Le cheval des Franches-Montagnes a-t-il un avenir ? (Vidéocassette TSR). Genève, 1999

Pierre-André Poncet : Le cheval des Franches-Montagnes à travers l'histoire. Porrentruy, 2009

Syndicat chevalin « Haut de la vallée de la Sorne (HVS) » (Ed.) : 100ème anniversaire 1911-2011. Bassecourt; 2011

Vincent Wermeille : Des chevaux et des hommes. L'élevage passionné du Franches-Montagnes. Saignelégier, 1995

Vincent Wermeille : Les éleveurs du Haut-Plateau. 100 ans du syndicat chevalin du Haut-Plateau Montagnard, 1906-2006. Les Bois, 2006

Chavazzins

Contact

Fédération suisse du franches-montagnes
E-mail

Fédération jurassienne d'élevage chevalin
E-mail

Stampar il contact

https://www.lebendige-traditionen.ch/content/tradition/rm/home/tradiziuns/allevament-da-chavals-da-las-francas-muntognas.html