L'art d'entagl da la vita da signuns da l'Appenzell e dal Toggenburg, er numnà entagl da vatgas, è sa sviluppà durant il 20. tschientaner. Al cumenzament cumpigliava el bunamain mo chargiadas d'alp cun chauras, mats e mattas da chauras, signuns, vatgas, pur, chaun-pastur e char da letras. Pli tard vegnan vitiers ulteriurs motivs da las tradiziuns e dal mintgadi puril, sco Niclads da Silvester, «Blochfahrt», musica ad artg, gruppas da saut, far laina u far chaschiel.
L'entagliar, ch'è per ils purs al cumenzament in passatemp durant l'enviern per fabritgar giugarets per ils uffants u scenas per ils chapels dals Niclads, daventa per blers in affar secundar lucrativ. Ils entagls èn objects da collecziun dumandads. La furma da la figura vegn resgiada ora ordavant. Entaglià vegn cun in cuntè, che vegn savens construì sez tenor ils agens basegns. Per il solit gida la partenaria a colurar las figuras che han en media ina grondezza da fin 15 centimeters, u ella surpiglia dal tuttafatg questa activitad.
Cun stils individuals e caracteristics cuntinuescha actualmain in dumber pli e pli grond d'entagliaders, da nov er entagliadras, cun la tradiziun da quest artisanadi. Els na sa recruteschan dentant strusch or dals curs d'entagliar vatgas che daventan dapi in temp pli e pli populars, mabain èn autodidacts.
Il stil persunal caracteristic dals entagliaders sa differenziescha fermamain da las figuras d'entagl en lain da Brienz che vegnan vendidas en las butias. Quellas mussan bain temas appenzellais, ma vegnan producidas en seria cun maschinas e n'èn betg cumparegliablas cun las figuras individualas, entagliadas a maun en l'Appenzell ed en il Toggenburg.
Vatga e signun cun chautschas melnas, entaglià il 1894 da Johannes Müller (1806–1897) (Stein, 2015) © Hans Ulrich Gantenbein
Chargiada d'alp, entaglià il 1953 dad Alfred Forrer (1885–1988) (Stein, 2015) © Hans Ulrich Gantenbein
Extract d'ina chargiada d'alp, entaglià da Maurus Matter (1894–1991) (Stein, 2015) © Hans Ulrich Gantenbein
Entagliader Heinrich Müller (1918–2005) (Urnäsch, enturn 1982) © Herbert Maeder, Fotograf, Rehetobel (Kantonsbibliothek Appenzell Ausserrhoden)
«Rüef de Bruune»: 148 vatgas or da differents lains da Heinrich Müller (Urnäsch, 2017) © Walter Frick
Entagliader David Locher (1915–2003) (Speicher, enturn 1982) © Herbert Maeder, Fotograf, Rehetobel (Kantonsbibliothek Appenzell Ausserrhoden)
Entagls da la vita da signuns da David Locher (1915–2003) (Speicher, enturn 1982) © Herbert Maeder, Fotograf, Rehetobel (Kantonsbibliothek Appenzell Ausserrhoden)
Model dal «Bloch» dad Urnäsch dad Emil Hugener (Urnäsch, enturn 1990) © Herbert Maeder, Fotograf, Rehetobel (Kantonsbibliothek Appenzell Ausserrhoden)
Chapè da stgellas, reconstrucziun d'ina gruppa da Niclads; per fabritgar las figurettas sin ils chapels da miniatura dovri gist uschè bler temp sco per far ils Niclads da miniatura; entaglià da Markus Koller (Herisau, 2009) © Markus Koller
Konrad Zülle (1918–1988): Niclads da Silvester (tradiziun appenzellaisa), senza data, lain, colurà, differents materials, autezza: 13 cm © Museum im Lagerhaus, Stiftung für schweizerisch Naive Kunst und Art Brut, St. Gallen, Sammlung Mina und Josef John
Jakob Müller (1922–2005): Landsgemeinde, 1993, lain, colurà, sin platta da lain, 29 × 80 × 76 cm © Museum im Lagerhaus, Stiftung für schweizerisch Naive Kunst und Art Brut, St. Gallen, Sammlung Mina und Josef John
Ulrich Bleiker (1914–1994): Spirala dubla cun ina chargiada d'alp, enturn 1979, cement, armà, 120 × 88 × 75 cm © Museum im Lagerhaus, Stiftung für schweizerisch Naive Kunst und Art Brut, St. Gallen, Sammlung Mina und Josef John
Descripziun detagliada
Senntumsschnitzerei (PDF, 428 kB, 29.05.2018)Ausführliche Beschreibung
Sparta
Chantun
Documents da video
