Entagls en lain da Brienz

L'onn da fomaz 1816 ha il maister turnader da Brienz, Christian Fischer, cumenzà ad ornar objects dal mintgadi cun entagls en lain e da vender quels als turists. Per satisfar a la dumonda creschenta ha el bainbaud er scolà persunas da la regiun en quest artisanadi. A l'exposiziun mundiala da l'onn 1851 a Londra han ils entagls en lain da Brienz gì l'emprim success internaziunal. L'onn 1884 è vegnida fundada la Scola d'entagliaders da Brienz («Schnitzlerschule Brienz»). Quella è daventada ina scola spezialisada ed in lavuratori d'emprendissadi dal chantun Berna. Sco suletta instituziun en Svizra pussibilitescha questa scola per sculptura en lain ad umans giuvens d'emprender l'artisanadi da sculpturas en lain, ed en l'instrucziun davart la professiun scolescha ella dapi l'onn 2009 er turnaders, chanastrers e vaschlers futurs. En manaschis independents fan ils sculpturs scolads oz tant pretensiusas lavurs d'incarica sco er souvenirs. Malgrà diversas emprovas da diversificaziun è la relaziun dals entagls en lain cun il turissem fitg stretga, er anc suenter 2 tschientaners. Damai ch'ils objects ed il savair davart l'istorgia e davart la pratica da l'entagliar («Schnätzen») èn en privel pervi da la midada da generaziun, è vegnida fundada l'onn 1990 la «Fundaziun per rimnar ed exponer entagls en lain Brienz» («Stiftung zur Sammlung und Ausstellung von Holzschnitzereien Brienz») e grazia a quella il Museum svizzer per sculptura en lain («Schweizer Holzbildhauerei Museum»).


Sparta


Chantun


Descripziun detagliada

Publicaziuns

Jay Arenski: Swiss carvings. The art of the «Black Forest», 1820-1940. Ed. Antique Collectors' Club. Woodbridge, 2008

Peter Flück: Der Holzbildhauer. Chronologie eines Kunsthandwerks (Schnitzlerschule Brienz von 1884-1984. Ausstellung im Kornhaus Bern, vom 28. Januar bis 4. März 1984). Bern, 1984

Peter Flück: Kantonale Schnitzlerschule Brienz, 1884-1984. Brienz, 1984

Max Gygax: Werden und Vergehen einer Schnitzlerdynastie. In: Jahrbuch vom Thuner- und Brienzersee 1995. Ed. Uferschutzverband Thuner- und Brienzersee. Matten-Interlaken, 1995, p. 97-109

Max Gygax: Wie Brienz zum Schnitzlerdorf wurde. In: Heimatbuch Brienz 1999. Ed. Kulturfondskommission Einwohnergemeinde Brienz. Brienz, 1999, p. 113-120

Erich Schild: Arbeiten für drei Franken fünfzig im Tag. Wie lebte eine Schnitzlerfamilie Anfang des 20. Jahrhunderts? In: Der Brienzer, 1. Mai 2001

Schweizer Holzbildhauerei Museum: Über uns und unsere Arbeit. Brienz, 2010

Chavazzins

Contact

Holzbildhauer Verband Schweiz HVS
3855 Brienz
E-mail

Stampar il contact

https://www.lebendige-traditionen.ch/content/tradition/rm/home/tradiziuns/entagls-en-lain-da-brienz.html