Cultura da festivals d’open air

Maletg 1 /

‹ › ×

Ils «festivals d’open air» èn oz lunschor las occurrenzas culturalas las pli grondas en Svizra. Nagin auter pajais porscha in program cumparegliabel da festivals d’open air cun renum en l’entira Europa. Mintga stad pelegrineschan millis da persunas – oravant tut giuvenils, giuvnas creschidas e giuvens creschids, tut tenor la purschida da musica dentant er entiras famiglias – a quests eveniments cun concerts en il liber che duran in u plirs dis. Per il solit na bandunan ins betg l’areal per l’entira durada dal festival. Las visitadras ed ils visitaders portan cun els tut il necessari. Els passentan la notg en tendas, na dorman dentant betg la massa. Ils «festivals d’open air» èn festas giganticas che duran plirs dis ed èn per blera glieud giuvna eveniments pregnants.