Processiuns festivas sur champs e prada il di d'Ascensiun (40 dis suenter Pasca) eran fitg derasadas pli baud en ils territoris catolics. Sco las processiuns da Sontgilcrest han ellas survegnì lur tempra festiva caracteristica en il temp da la cuntrarefurma. En il temp baroc èn ellas savens anc daventadas pli pumpusas. Oz datti en Svizra mo pli en il chantun Lucerna la tradiziun da la processiun d'Ascensiun («Uffert») en furma d'in usit religius. En sis lieus vegnan organisadas grondas processiuns che vegnan pratitgadas dals participants activs tut tenor lur funcziun en l'usit a pe u a chaval. L'occurrenza la pli gronda, la pli veglia e la pli renumada da quest gener è la processiun d'Ascensiun da Beromünster. Var 1'000 persunas sa mettan en viadi mintg‘onn per il traject da 18 kilometers lunghezza – ubain almain per singulas etappas da quel – per viandar, meditar ed urar da cumpagnia e per retschaiver la benedicziun u per tadlar pregias da spirituals. La via maina da Beromünster sin ina ruta fixada e da princip medema dapi tschientaners en las fracziuns ed en ils vitgs vischins. Suenter 8 uras e mez returna la processiun puspè al lieu da partenza. Là spetgan fin 5'000 persunas. Ensemen cun ils pelegrins vegn plaunsieu terminada la festa.
Chommle (al sid da Rickenbach), 2009: ina gruppa da pelegrins chamina cun la musica da chavallaria © Regula Muff, Gunzwil
Seeblen sper Gunzwil, 2011: portacruschs, bandierelas e portalaternas a la testa da la processiun a chaval © Regula Muff, Gunzwil
Seeblen sper Gunzwil, 2011: la musica da chavallaria da Gunzwil suna durant la processiun © Regula Muff, Gunzwil
Seeblen sper Gunzwil, 2011: fermada a l'artg da triumf per laschar benedir ils chavals © Regula Muff, Gunzwil
Carta postala colurada da l'arrivada a Beromünster il suentermezdi, enturn l’onn 1910 © Pius Muff, Gunzwil
Vitg da Beromünster, 2008: ils chavaltgaders arrivan tras l'artg da triumf © Regula Muff, Gunzwil
Beromünster, 2008: cun la monstranza al pèz chavaltgescha il plevon Otmar Scherrer sut il baldachin © Regula Muff, Gunzwil
Descripziun detagliada
Auffahrtsumritt Beromünster (PDF, 395 kB, 04.06.2018)Ausführliche Beschreibung
Sparta
Chantun
Publicaziuns
Ursula Brunner, Andreas Capella: Auffahrtsumritt Beromünster (Film). Luzern, 2005
Helene Büchler-Mattmann (Ed.): Uffert. 500 Jahre Auffahrtsumritt Beromünster. Beromünster, 2009
Alfred Schaller-Donauer: Der Auffahrtsumritt in Sempach. In: Schweizerisches Archiv für Volkskunde 17. Basel, 1913, p. 245-247
Ludwig Suter-Brun: Der Auffahrtsumritt Beromünster. In: Volksfrömmigkeit in der Schweiz. Ed. Ernst Halter, Dominik Wunderlin, Giorgio von Arb. Zürich, 1999, p. 454-463
Chavazzins
Primavaira
Contact
Auskunftsstelle für allgemeine Fragen
Ludwig
Suter
Kommandant Auffahrtsumritt
Pius
Muff