Tagliar schlondas

Tscherner il dretg lain, far permez quel cun sentiment e tagliar mintga schlonda en il dretg angul: Las abilitads dal tagliaschlondas èn tant precisas sco atemporalas. En la Svizra franzosa datti mo pli var diesch tagliaschlondas che san quest mastergn. Els cuvran instancablamain tetgs e fatschadas cun tschients da schlondas, questas planettas satiglias che vegnan fatgas per gronda part da laina da pign. Tut tenor la grondezza e la regiun da fabricaziun vegnan duvradas per las schlondas differentas designaziuns. Cun il temp survegnan las schlondas ina colur grisch-argientada. Tras quai sa protegia il lain cunter influenzas da l'aura. En Svizra derivan ils emprims fastizs dal temp gallic-roman. Els èn vegnids chattads als lieus da las exchavaziuns archeologicas a Holderbank (Soloturn) ed ad Oberwinterthur. Las activitads che quests fastizs inditgan marcheschan il cumenzament d'in lung svilup. En la Svizra bassa èn las schlondas vegnidas remplazzadas tras tievlas pir il 17avel e 18avel tschientaner. Ed en las regiuns da muntogna èn las schlondas vegnidas duvradas fin il 19avel tschientaner. Novas materialias e las mesiras per impedir incendis da vitgs han gì per consequenza ch’ins ha duvrà adina pli paucas schlondas. Perquai vesan ins ellas ozendi mo pli vi d'edifizis istorics e vi da tegias d'alp e chamonas. Tetgs e fatschadas da schlondas èn in segn caracteristic per las Prealps friburgaisas. Las schlondas vi d'ina fatschada ston vegnir remplazzadas pir suenter circa 100 onns. Quai è in mussament ch'i sa tracta d'ina lavur difficila e preziusa; in artisanadi che vegn pratitgà cun ardiment, ch'è dentant periclità pervi dal martgà che daventa adina pli pitschen.


Sparta

Natira ed ambient


Chantun


Descripziun detagliada

Publicaziuns

Jean-Pierre Anderegg : Les chalets d'alpage du canton de Fribourg = Die Alphütten des Kantons Freiburg. Ed. Service des biens culturels. Fribourg, 1996

Association romande des tavillonneurs : Charte des tavillonneurs. In : Journal de la construction de la Suisse romande no. 9, vol. 70. Lausanne, 1996

Association romande des tavillonneurs : Tavillons, bardeaux, anseilles.Charte de bienfacture des couvertures en bois. In : Bâtir no. 77. Lausanne, 2003

Florence Bays : Les défenseurs du tavillon. In : Cahiers du Musée gruérien no. 6. Bulle, 2007, p. 205-214

Jules Nidegger : Toits et mantalires. Vevey, 2003

Denyse Raymond : Les couvertures en bois. Tavillons et tavillonneurs. L’Industriel sur bois. Lausanne, 1986

Jacqueline Veuve : Joseph Doutaz et Olivier Veuve, tavillonneurs. In : Les Métiers du bois. Tavillonneurs. Lausanne, 1989 (film)

Olivier Veuve, Pierre Grandjean : Tavillons et bardeaux. Lausanne, 2010

Yann Guerchanik : Le tavillon, de la transmission orale aux bancs d'école. In : La Gruèyere, 3.2.2015 (http://www.lagruyere.ch/2015/02/le-tavillon-de-la-transmission-orale-aux-bancs-d%E2%80%99%C3%A9cole.html)

Chavazzins

Contact

Association romande des tavillonneurs
E-mail

Stampar il contact

https://www.lebendige-traditionen.ch/content/tradition/rm/home/tradiziuns/tagliar-schlondas.html