«Bochselnacht»

La gievgia da l'ultima entira emna avant Nadal festiveschan las scolas primaras e secundaras da Weinfelden la «Bochselnacht». Sin il far notg van ils uffants e giuvenils tras il center da Weinfelden e mussan lur animals ch'els han entaglià or d'ina rava da pavel e che vegn illuminada d'ina chandaila. Il cortegi finescha sin la plazza da la chasa communala cun la chanzun «Freut euch des Lebens, weil noch das Lämpchen glüht». En la chasa da scola vegn alura servì ina brezla als uffants ed als giuvenils. Las otg la saira dattan las scolaras ed ils scolars dal stgalim superiur il teater da la «Bochselnacht». L'atmosfera festiva animescha ed allegra tuts, betg mo las scolaras ed ils scolars che han – fin l'onn 2004 – dastgà fimar questa saira. Er ils creschids giaudan la saira suenter il teater la vita en ils restaurants. Spezialmain per questa saira fan ils pasterners in paun cun tschagulas, il «Böllewegge», che vegn mangià ensemen cun il vin d'Ottenberg e cun in salsiz. Er en auters vitgs enturn il Ottenberg festiveschan ins la «Bochselnacht» en ina furma tipica per mintga vitg. La derivanza e la significaziun da quest usit n'èn betg scleridas. Las abitantas ed ils abitants da Weinfelden e dals conturns raquintan differentas legendas davart ses origin.


Descripziun detagliada

Bochselnacht (PDF, 226 kB, 16.07.2012)Ausführliche Beschreibung


Sparta


Chantun

Publicaziuns

Hanns Bächtold-Stäubli, Eduard Hoffmann-Krayer (Ed.): Handwörterbuch des deutschen Aberglaubens vol. 4, Berlin, 1931, p. 1545

Thomas Holenstein: Die Bochselnacht (unveröffentlicher Vortragstext). Bürgerarchiv Weinfelden, 1998

Hermann Lei: Die Weinfelder Bochelnacht. In: Thurgauer Bräuche. Ed. Thurgauische Kantonalbank. Weinfelden, 1977, p. 36 - 39

Hermann Lei: Geschichte der Sekundarschule Weinfelden. 1834 - 1984. Weinfelden, 1984

Walter Seeger: Die Bochselnacht in Weinfelden und Umgebung. In: Thurgauer Jahrbuch vol. 17, 1941, p. 9-22

Hermann Stähelin: Die Boxelnacht. Über die Bedeutung der am Donnerstage vor Weihnachten in Weinfelden alljährliche wiederkehrende Feier. In: Thurgauische Beiträge zur vaterländischen Geschichte vol. 26, 1886, p. 115 - 124.

Walter Stammbach: Tagebuch-Aufzeichnungen (1921 - 1949). Bürgerarchiv Weinfelden

Chavazzins

Enviern

Contact

Schulgemeinde Weinfeld
Freiestrasse 5
8570 Weinfelden
E-mail

Stampar il contact

https://www.lebendige-traditionen.ch/content/tradition/rm/home/tradiziuns/-bochselnacht-.html