«Eierläset» – Rimnar ovs

«Eierläset» è in vegl usit da primavaira e da fritgaivladad per stgatschar l'enviern che vegn tgirà da las uniuns da gimnastica localas en numerusas vischnancas dals chantuns Argovia, Soloturn e Basilea-Champagna. Mintgamai 80 fin 100 mantuns da resgim vegnan plunads en dus vials e sin mintga mantun vegn mess in ov. Duas gruppas giogan ina cunter l'autra: ina represchenta l'enviern, l'autra la primavaira. Mintga gruppa sa cumpona da plirs curriders e dad in u dus tschiffaders. La concurrenza tranter la primavaira e l'enviern cumenza. Ils curriders curran tar l'ov il pli lontan dal vial, prendan cun sai quel, curran enavos ed al bittan en il vonn da paglia dal tschiffader. Sch'in ov croda per terra, sto il traject vegnir percurrì anc ina giada, senza dentant dastgar purtar in nov ov al tschiffader. La medema incumbensa han tut ils ulteriurs curriders. Tar mintga dieschavel ov sto plinavant vegnir schliada ina incumbensa speziala. Gudagnar gudogna quella gruppa che ha deponì sco emprima tut ils ovs tar il tschiffader. Qua e là datti dentant intervenziuns per garantir che la primavaira gudognia.

En intginas paucas vischnancas dal chantun Argovia existan variantas cun figuras pompusas sco per exempel il «Schnäggehüsler», il «Stächpälmler» u il «prer». Questas figuras èn attribuidas a l'enviern u a la primavaira. Entant ch'ils curriders èn en viadi, datti groppas dispitas simbolicas tranter las duas gruppas.


Sparta

Expressiuns oralas


Chantun


Descripziun detagliada

Eierläset (PDF, 431 kB, 31.05.2018)Ausführliche Beschreibung

Publicaziuns

Robert B. Christ: Effinger Eieraufleset. In: Brugger Neujahrsblätter 1961. Brugg, 1961, p. 15-20

Kurt Meuli: Schneggehüsler, Blätzliböögg und Federehans. In: Schweizer Volkskunde no. 1, vol. 28. Basel, 1938, p. 1-10

Ulrich Weber, Heinz Fröhlich: Aargauer Bräuche. Aarau, 1983

Schriftliche und mündliche Rückmeldungen von Vereinen und Gemeinden im Projekt der Kantone Aargau und Solothurn zu den lebendigen Traditionen, 2010-2011

Chavazzins

Primavaira

 

Contact

Eieraufleset Dintikon
Eieraufleset Dintikon

Effinger Eierleset
Effinger Eierleset

Remlinger Eierlauf
E-mail

Stampar il contact

https://www.lebendige-traditionen.ch/content/tradition/rm/home/tradiziuns/-eierlaeset--_-rimnar-ovs.html