Tagls da siluetta dal Pays d’Enhaut, dal Saanenland e dal Simmental

Mintgatant po in simpel fegl da palpiri exprimer tut la poesia da las tradiziuns d'alp. L'art dal tagl da siluetta cun ses retagls che vegnan fatgs cun gronda premura cun agid d'ina forsch u d'in cuntè giz e che vesan ora sco in tessì a pitgel renda pussaivel quest pitschen miracul. Savens vegnan ils retagls realisads en in toc, en nair ed alv - in tagl da siluetta po però er avair nianzas da colur u formats fitg differents e vesair ora mintgatant sco ina collascha da palpiris colurads. Tscherts artists da tagls da siluetta prefereschan motivs asimmetrics, grafics ed abstracts. Aderents da la tradiziun mussan plitgunsch scenas d'ina chargiada d'alp u da la producziun da chaschiel, preschentan ils conturns tradiziunals cun chalets e cun chasas da lain u fan musters da flurs u cumposiziuns geometricas. Ils tagls da siluetta tradiziunals dal Pays d'Enhaut èn savens caracterisads dals simbols d'ina Svizra idillica e stattan en la tradiziun dals dus gronds maisters locals Johann-Jakob Hauswirth (1809-1871) e Louis Saugy (1871-1953). Dal Pays d‘Enhaut èn quests tagls da siluetta cun lur inspiraziuns popularas sa derasads en tut la Svizra, surtut en il Saanenland, en il Simmental ed en il chantun Friburg. Artistas ed artists da tagls da siluetta datti er en autras regiuns da la Svizra e lur associaziun naziunala, il Schweizerischer Verein Freunde des Scherenschnitts, quinta entant passa 500 commembras e commembers. Tuttina n'exista en tut la Svizra nagina scola, nua che quest art vegn instruì - in art che vegn perquai pratitgà fitg savens d'artists autodidactics ed independents.


Sparta


Chantun


Descripziun detagliada

Tradiziuns parentas

Publicaziuns

Association suisse des amis du découpage sur papier (Ed.) : Papiers découpés 2009. 7e exposition suisse et des hôtes de l'art international contemporain, invités par le Musée Bellerive, Zurich, du 17 novembre 2009 au 4 avril 2010. Zug, 2009

Claude Allegri : Les découpages du Pays-d’Enhaut et du Saanenland. Château-d’Oex, 2009

Helen Bieri Thomson, Felicitas Oehler, Susanne Schläpfer : Papiers découpés. Artisanat suisse entre tradition et modernité. Vevey, 2007

Géraldine Henchoz, Jean-Frédéric Henchoz : La nature au bout des ciseaux. Hommage aux découpeurs du Pays-d’Enhaut (doumentaire). Château-d’Oex, 2007

Anne Rosat : Découpages. Neuchâtel, 2004

Anne Rosat : Papiers découpés un art heureux. Le 18 juin 2009 aux Moulins (doumentaire). Lausanne, 2009

Jean-Charles Trebbi : L’art de la découpe. Paris, 2010

Chavazzins

Contact

République et canton de Vaud
Service des affaires culturelles
E-mail

Association des Amis du découpage sur papier
Association des Amis du découpage sur papier

Stampar il contact

https://www.lebendige-traditionen.ch/content/tradition/rm/home/tradiziuns/tagls-da-siluetta-dal-pays-denhaut--dal-saanenland-e-dal-simment.html