Occurrenzas da tschaiver tranter la gievgia grassa ed il mardi da tschaiver èn derasadas en tut la Svizra centrala. Lur tratg cuminaivel è la celebraziun dal barlot, il gieu cun rollas ed identitads socialas sco er il far fracass. Ina posiziun speziala areguard l'organisaziun, il grad da ritualisaziun e la forza d'attracziun ha il tschaiver da la citad da Lucerna. En intginas chapitalas ruralas èn sa furmadas cunzunt durant il 19avel tschientaner furmas da tradiziun bizarras sco la «Urner Katzenmusik» u il «Schwyzer Nüssler». Tut en tut po il tschaiver bain vegnir designà en tut ils chantuns da la Svizra centrala sco ina festa fitg populara.
Cortegi da tschaiver 2011 a Lucerna cun il hotel Schweizerhof che ha num «Fritschihof» durant il tschaiver © Emanuel Ammon/AURA, Luzern
La musica da tschaiver «Noggeler» sin il Rathaussteg a Lucerna, 2009 © Emanuel Ammon/AURA, Luzern
Il «Bruder Fritschi», ina figura dal tschaiver da Lucerna, al cortegi da l'onn 1996, flancà da sia consorta © Emanuel Ammon/AURA, Luzern
Bal da mascras a Willisau, chantun Lucerna, 1976 © Emanuel Ammon/AURA, Luzern
«Katzenmusik» al cortegi dal «Gidelmändig» (glindesdi da tschaiver) ad Altdorf, 2011 © Rolf Gisler-Jauch, Altdorf
«Katzenmusik» sin il Winkelplatz ad Altdorf, enturn 1900 © Archiv Fasnächtliches Uri
Avant il «Preisnüsslet» sa preschentan las figuras da tschaiver sin la plazza principala a Sviz, 2011 © Stefan Dettling, Schwyz
«Blätz», ina da las figuras originalas («Originalgwändli»), va tranter la glieud en il café-restaurant Haug a Sviz, 2011 © Stefan Dettling, Schwyz
Descripziun detagliada
Fasnacht in der Zentralschweiz (PDF, 349 kB, 02.10.2024)Ausführliche Beschreibung
Sparta
Chantun
Documents da video
Contact
Lozärner Fasnachtskomitee
Vereinigte Guggenmusigen Luzern