Cheramica rurala bernaisa

La regiun da Thun-Heimberg-Langnau è in center per vaschella da terracotga artisanala enconuschent en tut l'Europa. La vaschella da questa regiun vegn decorada cun ritgs ornaments. Surtut manaschis da famiglia produceschan cun la tecnica artisanala tradiziunala pitschnas serias ed unicats. Perquai che l'artisanadi da vaschler è ditg vegnì pratitgà en manaschis pitschens agriculs per l'agen provediment, vegn el numnà cheramica rurala («Bauernkeramik»). Il cumenzament dal 18avel tschientaner èn sa sviluppads en il chantun Berna tschintg centers da vaschlaria. Quels avevan mintgamai products cun atgnas caracteristicas artisticas. A Langnau, a Heimberg ed ad Albligen vegniva producida vaschella cun pictura dad «engobe», en il Simmental ed a Bäriswil faienzas cun ina glasura alva. Cun il turissem dal 19avel tschientaner è creschida fermamain la dumonda suenter la cheramica rurala. Enturn l'onn 1900, il punct culminant da la cheramica rurala, preschentavan numerusas manufacturas cheramica decorativa e da demonstraziun sco er la maiolica da Thun a messas a Paris ed a Londra. Oz è l'artisanadi dentant periclità, malgrà che la generaziun giuvna vegn promovida activamain cun scolar emprendistas ed emprendists. D'ina vart èn ils mastergnants confruntads cun cundiziuns economicas difficilas caracterisadas da la midada en la societad da consum e d'imports favuraivels da differents grossists. Da l'autra vart ha la Confederaziun unì las professiuns «vaschler(a)» e «pictur(a) da cheramica» en in unic champ professiunal «cheramist(a)».


Sparta


Chantun


Descripziun detagliada

Publicaziuns

Beate Engelbrecht/Theo Gantner/Meinhard Schuster: Berner Töpferei. Mensch und Handwerk. Basel, 1990

Adriano Boschetti-Maradi: Gefässkeramik und Hafnerei in der Frühen Neuzeit im Kanton Bern (Schriften des Bernischen Historischen Museums 8). Bern, 2006

Andreas Heege/Andreas Kistler/Walter Thut: Keramik aus Bäriswil. Zur Geschichte einer bedeutenden Landhafnerei im Kanton Bern (Schriften des Bernischen Historischen Museums 10). Bern, 2011

Andreas Heege/Andreas Kistler: Poteries décorées de Suisse alémanique, 17e–19e siècles, Collections du Musée Ariana, Genève – Keramik der Deutschschweiz, 17.–19. Jahrhundert. Die Sammlung des Musée Ariana, Genf. Mailand, 2017

Andreas Heege/Andreas Kistler: Keramik aus Langnau. Zur Geschichte der bedeutendsten Landhafnerei im Kanton Bern (Schriften des Bernischen Historischen Museums 13): Bern, 2017

Hermann Buchs: Vom Heimberger Geschirr zur Thuner Majolika. Thun, 1988

Ethnologisches Seminar der Universität Basel (Ed.): Berner Töpferei. Mensch und Handwerk. St. Gallen, 1983

Katrin Roth-Rubi: Chacheli us em Bode. Der Kellerfund im Haus 315 in Nidfluh, Därstetten. Ein Händlerdepot. Wimmis, 2000

Robert L. Wyss: Berner Bauernkeramik (Berner Heimatbücher). Bern, 1966

Chavazzins

Contact

Verband Berner Töpfermeister
E-mail

Stampar il contact

https://www.lebendige-traditionen.ch/content/tradition/rm/home/tradiziuns/cheramica-rurala-bernaisa.html