Teater laic en la Svizra centrala

Il teater giugà da laics è derasà en tut la Svizra centrala ed è francà fermamain en la societad. La mesadad dals chantuns ha dapli societads da teater che vischnancas (Sutsilvania, Sursilvania, Zug) ed er ils ulteriurs chantuns han quotas fitg autas. Ma la scena n'è betg mo caracterisada da quantitad, mabain er da qualitad. En blers vitgs ed en numerusas citadinas preschentan gruppaziuns excellentas producziuns che vegnan stimadas lunsch suror ils cunfins da l'atgna vischnanca. Per exercitar in toc, per crear las culissas u per organisar in program accumpagnant impundan ils participads bunamain tant temp sco quai ch'i vegn investì per inscenaziuns professiunalas. Cun l’ir dal temp èn singulas tribunas sa sviluppadas ad instituziuns da teater da renum surregiunal, uschia per exempel il «Japanesenspiel» a Sviz (dapi l'onn 1857), ils «Tell-Spiele» ad Altdorf (dapi l'onn 1899) u il «Einsiedler Welttheater» (dapi l'onn 1924). La tradiziun da teater da la Svizra centrala è caracterisada da la cultura catolica da l'inscenaziun. Gieus festivs religius vegnivan preschentads en moda pompusa gia durant il temp modern tempriv. A partir dal 19avel tschientaner è il plaschair da giugar teater vegnì instituziunalisà en las societads da teater. En ina scena animada existan oz differentas spartas ina sper l'autra ed ina cun l'autra, sco la burlesca populara, il gieu sut tschiel avert, il teater da tschaiver, il teater d'operetta u il teater pretensius d'amaturs.


Sparta


Chantun


Descripziun detagliada

Publicaziuns

Renato Cavoli: Gelebte Tradition im Dorf. Theater – eingebettet in Musik, Gesang und Geselligkeit. In: Heimatkunde des Wiggertals 59. Willisau, 2001, p. 190-201

Anne-Christine Gnekow: Das Einsiedler Welttheater. In: Theater der Nähe. Welttheater – Freie Bühne – Cornichon – Showmaster Gottes. Ed. Andreas Kotte. Zürich, 2002, p. 13-190

Georg Dufner: Studententheater an der Klosterschule Engelberg (Engelberger Dokumente 9). Engelberg, 1981

Stefan Fryberg: Bretter, die die Schweiz bedeuten. Von den Anfängen der Tellspiele Altdorf. Altdorf, 1991

Heidy Greco-Kaufmann: Zuo der Eere Gottes, vfferbuwung dess mentschen vnd der statt Lucern lob. Theater und szenische Vorgänge in der Stadt Luzern im Spätmittelalter und in der Frühen Neuzeit. Zürich, 2009

Ernst Halter (Ed.): Volkstheater in der Schweiz und im Fürstentum Liechtenstein. Zürich, 2000

Karl Imfeld: Volksbräuche und Volkskultur in Obwalden. Kriens, 2006

Detta Kälin: Dem Meister ein Spiel. Calderón, die Einsiedler und ihr Welttheater. Einsiedeln, 2013

Kulturkommission des Kantons Schwyz (Ed.): Das Einsiedler Welttheater. Beiträge zur Geschichte des Einsiedler Freilichtspiels. Dokumentation zur Überreichung des Innerschweizer Kulturpreises 1974 (Schwyzer Hefte 8/9). Schwyz, 1976

Louis Naef: Theaterlandschaft Innerschweiz. Zur Geschichte des Laien-, Volks- und Landschaftstheaters. Zürich, 2008

Nidwaldner Zeitung (Ed.): Facettenreiche Theaterszene Nidwalden. Beilage zur Nidwaldner Zeitung. In: Nidwaldner Zeitung. 29. Januar 1993, p. 1-4

Cäsar Rossi: Der Mensch im Mittelpunkt. Zuger Volkstheatertradition. In: Zuger Neujahrsblatt 1996. Zug, 1996 p. 110-116

Viktor Weibel: Hesonusode. Theater, Geschichte und Fasnachtskultur. 150 Jahre Japanesengesellschaft Schwyz. Schwyz, 2006

Chavazzins

Contact

Zentralverband Schweizer Volkstheater
E-mail

Stampar il contact

https://www.lebendige-traditionen.ch/content/tradition/rm/home/tradiziuns/teater-laic-en-la-svizra-centrala.html